كلمات عصيان التمرد
كل البشر مظلومة طيب يلي ظالم وين و كل غلطان بيعرف حالو لكن مالو عين
وانا اولكم لكن الفرق اني بعترف بجلد حالي عالمرايا اوجاعي بتنكشف
عم داوي ناس وداري لكن دوايي مفقود بعد كل نجاح في الف شخص حسود
مرضت امي الدنيا داقت .. ماعادت تسعني قالو كيفك …. قلتلن امي عم توجعني
و كل ما داقت فيني بعيونا بتطلع مع كل جرعة تفوت بجسما كانت روحي تطلع
انا والجرح صرنا اخوة ف ماعاد همني حكيت كتير لكن ماحدا فيكم فهمني
العين الي بتستصغرك عميها والايد يلي بتنمد عليك كويها
والرقبة صامدا بعمرك ما تحنيا والكلمة يلي بدا تخنقك حكيها
وين بينباع النسيان .. كيف منغتال الاحزان ناس بتهوى حب النفس .. وانا اخترت العصيان
القي التحية لكل انسان ما الو وطن القي التحية لكل طفل بمخيم اندفن
للبطون الخاوية بدنيا مو متساوية لكل انسان مكسور عم ياكل من حاوية
مافيني انتمي للويل طيب قول أنتمي لوين مالي أرض يما رفضتني السما ياغيم
شايف ربي بعين قلبي فلا تدلني بعرف … طريقي منيح فلا تسألني
ليش.. الدنيا مانا عادلة ماعندي جواب يمكن عشنا جهنم بهالدنيا خلصنا عذاب
مو مهم كل شي بقولو يكون على هواك في الف كلمات غيري بتلمع بسماك
هون ما حتلاقي غير يلي بدي قولو سارد عالوجع
علي صوت الكلمة .. وعالج الايقاع عيش الدنيا زلمة لحد ما يهمك الي باع هون نعمة بتحكي عن كل الي ضاع
عن شباب مفنية بالشغل للنخاع شباب مشمرة للتعب هون خلقت الشوارب هون رسالة بصوت عامل شايب
وين بينباع النسيان .. كيف منغتال الاحزان ناس بتهوى حب النفس .. وانا اخترت العصيان
القي التحية لكل انسان ما الو وطن القي التحية لكل طفل بمخيم اندفن للبطون الخاوية بدنيا مو متساوية
لكل انسان مكسور عم ياكل من حاوية – مافيني انتمي للويل طيب قول أنتمي لوين .
